Visjon og verdiar

Dei fleste reiser i Noreg skjer med bil. Me har fleire millionar av dei, og talet er stigande. Varene våre blir stort sett frakta på vegane av vogntog. Det er praktisk, raskt og enkelt – og trafikken er i vekst. Men av omsyn til naturen kan me ikkje halda sånn fram.

For ein tredel av utsleppet i landet kjem frå transportsektoren, og då særleg biltrafikken. I tillegg får me mikroplast, svevestøv, salt- og kjemikaliebruk frå vegane. Utsleppa frå jernbanen er nær null. Tog er samtidig den mest energi- og arealeffektive måten å frakta folk og varer.

Når me byggjer ny infrastruktur, blir det sleppt ut klimagassar. Me ønskjer at aktiviteten vår i størst mogleg grad skal skje på jordas premissar. Det er ikkje alltid lett, men me skal stadig bli betre til å kutta utslepp. Me skal krevja meir av oss sjølv og leverandørane våre.

Derfor er satsing på jernbane satsing på ei berekraftig framtid. Derfor ønskjer me å sjå deg på stasjonane våre. For når du reiser på skjener, set du mindre spor.

Våre verdiar

Open, ansvarleg, lagspiller

Ambisjonen vår er at Bane Nor skal pregast av desse verdiane. Det er slik me ønskjer å opptre i møte med samfunnet rundt oss. Det er slik me ønskjer å møta samarbeidspartnarane og kollegaene våre.

Me skal ha eit inkluderande og mangfaldig arbeidsmiljø. Me skal vera nysgjerrige på kvarandre og bruka vår kompetanse i vidareutvikling av jernbanen.

Me skal

• setja tryggleiken først
• framme berekraft, etisk medvit og sosialt ansvar
• ta opp etiske dilemma og handla med integritet
• vera opne og ærlege i forretningsdrifta vår
• dela og samarbeida for å lykkast
• verdsetja mangfald og nye perspektiv
• møta kvarandre og omverda med respekt, toleranse og tillit
• bruka kvarandre sin kompetanse for å levera gode resultat
• vere Bane NOR-ambassadørar
• tenkja heilskap og er løysingsorientert